Быдлунся оланын эшö неважын коми-пермяк керис аслас киэзöн быдöс сiйö, мыйöн уджалic, мыйöн сёйис да юис, пöжасис да öктicис. Паньбекöр, пестеррез, зыбкаэз, лабиччез, гырниччез, туиссэз, зобняэз да уна мöдикö керлicö пуись, кöртicь, сейись да бадись, нинicь да симöтicь. Тöдчанаэзöн коми- пермяккез понда вöлicö чöж вылö вачкисяна совдозэз, кöднö лыддисö керкуын шуд видзан пассэззöн.
